Job 30

1 “Ahi hangin tu-in
kei sanga nauzaw,
a pate uh ka tuucing uite zah-a ka neumuhte in
kei hong ciam nuih uh hi.
2 Amaute thakia khin uh ahi manin
amaute khut hatna kei adingin banga kimang nawn ding ahi hiam?
3 Taksapna le gilkialna hangin ngui gawp uh a,
a kikhulsa leitang, ^a
leigawtak lakah zanin a vak kawikawi ^{▼▼30.3 Ahikeh hagawi} uh hi. ^c
4 Amaute in sawlbawk lakah anteh khawm uh a, ^d
lokhaa sel amaute an ^{▼▼30.4 Ahikeh ansing} ahi hi. ^f
5 Amau lawmte lak panin kihawlkhia a,
gutate bangin ki-otsan hi.
6 Amaute hawkguam keu sung,
suangtum lak le leihawm vang sungah, kitengsak teitei ding hi.
7 Sawlbawk lakah laa hamin ham ding uh a, ^g
sawl kawm lakah hon om ding uh hi.
8 Amaute min nei lo migilo hontang hi uh a,
gamsung panin kihawlkhia mang khin hi. ^h
9 “Tu-in a tate un la-el hong saksan uh a, ⁱ
amaute lakah thusia gentehna ka suak hi. ^j
10 Amaute in hong kih uh a, hong daang omsan uh hi; ^k
ka maitang hong cilphih ngam lahlo uh hi. ^l
11 Tu-in Pasian in ka thalkhau kang loin hong bawlsiat laitak hi a, ^m
ka omna mun panin amaute kamkaih a khah hi. ⁿ
12 Ka taklam ah behte ^{▼▼30.12 Hebrew ah hih kammal a khiatna kician lo hi.} in hong doin, ^p
ka khe a ka awk nading thang kam uh a,
kei langkhatah hong umcihin kulhken a bawl uh hi. ^q
13 Ka lampi tosia uh a;
kuama huh lohin amaute ^{▼▼30.13 Ahikeh keimah / amaute in ‘amah kuaman huh thei lo hi’ ci uh hi.} in - ^s
kei hong siasak zo uh hi. ^t
14 Amaute in lei hengvang tawnin hong delh uh a, ^u
a sia nate laizangah hong kikhuk uh hi.
15 Launa in ka tungah hong zen a; ^v
huih let bangin ka ginatna beimang a,
meii bangin ka ngaihmuanna a theng’ hi. ^w
16 “Tu-in ka nuntakna damdamin bei ta a, ^x
ka thuakna nite in hong gakcip hi.
17 Zanin ka guhte pailet-a hong tum ngutngut natna in
khawl hun a nei kei hi. ^y
18 Ama vangliatna ah Pasian kei ^{▼▼30.18 Hebrew; Septuagint ah Pasian in ka puan hong silh sak teitei hi.} adingin puansilh tawh kibang a; ^aa
ka puantualpi ngawng bangin kei hong hen hi.
19 Amah in kei buanlak hong denna a,
leivui le vut ka suak hi. ^ab
20 “Pasian aw, nang tungah kong ko a, nong dawng kei hi; ^ac
ka din hangin kei nong en lel hi.
21 Kei tungah nong ngongtat a;
na khut thahatna-in kei nong do hi.
22 Kei hong botkaang toin huih nong lensak a;
huihpi lakah nong lumlet niloh hi. ^ad
23 A nungta khempeuh adingin a kisehsa munah ^ae
a sisa a nong puaksak ding lam ka thei hi. ^af
24 “A kisiasa mi khat in a lungdonna ah hong huh un, ci-a a kiko hangin ^ag
kuamah in a tungah khut a khak ngei kei takpi hi. ^ah
25 A lungkhamte adingin kap hi lo ka hiam? ^ai
Mizawngte dahpih hi lo ka hiam? ^aj
26 Tua hi napi, a hoih lamen leng siatna hong tung hi;
khuavak ka zon ciangin khuamial hong tung hi. ^ak
27 Ka sunga hong lok den lah a khawl ngei kei hi; ^al
ka thuakna nite in kei hong maituah hi.
28 Kei hong kivomsak a ahi hangin ni in hong vomsak ahi kei hi; ^am
mihon omna ah dingin huhna ngenin ka kiko hi. ^an
29 Ngiate sanggampa ka suak a, ^ao
simbute pawlpa ka hi hi. ^ap
30 Ka vun vomin polkhia a; ^aq
ka pumpi nattunin sa velval hi.
31 Ka harp awging thumna hi a, ^ar
ka tamngai awging kahna ahi hi. ^as